Informationen zum Bild
Bild verkleinern

Bien di e cordial beinvegni
a Mustér Sedrun

Da quei siemian igl unviern biars hosps da vacanzas: pistas da neiv loma gest ennevadas ellas muntognas svizras! La regiun da Mustér vala sco eldorado per freeriders. Mo era quels che gaudan pli bugen las pistas bein preparadas en ina culissa da cuolms imposanta anflan el territori da skis da Sedrun las cundiziuns idealas. Grazia alla colligiaziun cun la regiun da skis dad Andermatt saveis Vus selegrar sin variaziun. Vuleis Vus pli bugen serecrear e far pacific? El Bogn Sedrun saveis Vus serevegnir e schar dar l’aura pils larischs. Ni co fuss ei cun in bien magiel vin cauld suenter ina tura cun calzers da neiv? Il sulegl saveis Vus guder il meglier sin ina da nossas numerusas terrassas – lunsch sur Mustér e Sedrun ni ensemen cun ils indigens e turists ellas ustrias dil vitg. Aschia savessen Vossas vacanzas d’unviern ellas muntognas svizras veser ora.

Ir cun skis e cun aissa

Gudi bellezia pistas e spundas plein neiv loma! Mustér Sedrun porscha cun ses dus territoris da skis Andermatt-Sedrun e Disentis3000 in eldorado per tut ils sportists d’unviern. Suenter Vossas aventuras ella neiv saveis Vus tancar sulegl en in restaurant da muntogna sin la terrassa sulegliva ni avon ina tegia da skis e schar ruassar Voss’egliada sin la cuntrada da muntognas imposanta. 

Territori da skis da Andermatt-Sedrun (en tudestg)

Territori da skis da Mustér (en tudestg)

Ir cun skis e cun aissa

Gudi bellezia pistas e spundas plein neiv loma! Mustér Sedrun porscha cun ses dus territoris da skis Andermatt-Sedrun e Disentis3000 in eldorado per tut ils sportists d’unviern. Suenter Vossas aventuras ella neiv saveis Vus tancar sulegl en in restaurant da muntogna sin la terrassa sulegliva ni avon ina tegia da skis e schar ruassar Voss’egliada sin la cuntrada da muntognas imposanta. 

Territori da skis da Andermatt-Sedrun (en tudestg)

Territori da skis da Mustér (en tudestg)

Albiert

Gudi suenter in di da vacanzas plein bialas experientschas la bun’atmosfera en in albiert e seschei puppergnar. A Mustér Sedrun anfleis Vus albierts adattai a Vies gust ed a Vos basegns: dalla jugi a hotels agreabels entochen alla habitaziun da vacanzas cun cheminé. A Mustér Sedrun essas Vus el dretg liug. 

Reservei Vies albiert online (en tudestg)

Hotels (en tudestg)

Habitaziuns da vacanzas (en tudestg)

Spassegiadas d’unviern

Vuleis Vus scuvierer la cuntrada d’unviern magica cun calzers da neiv ni spassegiond pacificamein sin ina senda d’unviern? A Mustér Sedrun anfleis Vus bialas pusseivladads da viandar cun ni senza calzers da neiv. E sche Vus viandeis pli bugen en ina gruppa, stattan nos menaders d’excursiuns scolai bugen a disposiziun a Vus. 

Spassegiadas d’unviern e turas cun calzers da neiv (en tudestg)

Sedrun Disentis Tourismus