Informationen zum Bild
Bild verkleinern

Bien di e cordial beinvegni a Mustér Sedrun

Aua, muntognas e tschiel blau: ella regiun da vacanzas Mustér Sedrun viandeis Vus sin pradas verdas, pusseis en uaulets d'ogna e gudis l'odur dallas jarvas e flurs alpestras agl ur dalla via. Numerusas turas da viandar e da mountainbike, dudisch turas da nordic walking e dus lags da far bogn carmalan ils hosps ella part sura dalla Surselva. In highlight tut special ei la spassegiada al Lag da Tuma, la tgina dil Rein. Empau plinengiu, a Mustér, han ins anflau gia numerus tochets d'aur ed aunc oz san ins empruar siu cletg da lavar aur. Aschia ni aschia essas Vus a Mustér Sedrun el dretg liug.

Ir cun mountainbike

Mustér Sedrun ei in punct da partenza ideal per turas da mountainbike impressiunontas e giradas da plirs dis. Igl intschess porscha biars bike trails, pass e tschancuns da downhill. Mintgin anfla pia enzatgei che plai. Suenter ina tura plein aventuras saveis Vus guder en nossas ustrias las specialitads culinaricas.

Ir cun velo e mountainbike a Mustér Sedrun (en tudestg)

Viandar ella regiun dil Rein

Per munts e vals per liung dallas pli bialas sendas da viandar da Mustér Sedrun. Scuvri duront excursiuns pli cuortas ni cun far turas da plirs dis la cuntrada muntagnarda impressiunonta ellas Alps svizras. In highlight che Vus astgeis buca munchentar: ina spassegiada alla tgina dil Rein. 

Viandar a Mustér Sedrun (en tudestg)

Albiert

Gudi suenter in di da vacanzas plein bialas experientschas la bun’atmosfera en in albiert e seschei puppergnar. A Mustér Sedrun anfleis Vus albierts adattai a Vies gust ed a Vos basegns: dalla jugi a hotels agreabels entochen alla habitaziun da vacanzas cun cheminé. A Mustér Sedrun essas Vus el dretg liug. 

Reservei Vies albiert online (en tudestg)

Hotels (en tudestg)

Habitaziuns da vacanzas (en tudestg)

Sedrun Disentis Tourismus